Blogger’s Confession: Bakit Single Ka Pa?

Marami sa mga kaibigan ko at ilang blog readers ang nagtatanong kung bakit hanggang ngayon ay wala pa akong girlfriend. Kaya ito na ang aking official statement para sa tanong na iyon.

Kaunting background muna. Noong college student pa ako sa Unibersidad ng Pilipinas Los Baños, sumali ako sa isang Christian organization na Students of Destiny (SOD). We are “discouraged” to enter into a relationship. Hindi naman naging big deal sa akin iyon dahil wala sa plano ko ang pumasok sa isang relasyon habang nasa kolehiyo. Nag-focus ako sa church ministry at sa aking academics. Thank God dahil natapos ko naman ang aking kurso na BS Chemical Engineering sa takdang panahon. On time akong naka-graduate. Bihira lang iyon sa aming kurso. Kung 100 kayo noong freshman, pagdating sa 5th year, mga 30 or less na lang kayong on time. I’m proud to be single. LOL! Of course may mga on time din naman kahit nasa relationship sila. 🙂

May nagtanong din sa akin dati kung wala daw bang magaganda sa UPLB at wala raw akong napusuan o niligawan. Excuse me! Ang dami kayang magaganda sa UPLB! Beauty and brains! 🙂 Siyempre may mga nagustuhan naman ako. But I know my priority and hindi love life iyon. Wala akong niligawan o pinormahan noong kolehiyo. Hindi ko pinagsisihan iyon. May mga kaibigan nga ako noong kolehiyo na naging magkarelasyon pero after a year ng graduation, nagkahiwalay na din. Sayang naman ang 5 years na naging sila. Ang iba naman sa kanila, nagkahiwalay dahil sa work.

So, bakit single pa ako? Hindi ko din alam. Si Lord ang nakakaalam  kung kailan niya ako ipapakilala sa aking tadhana. Maaaring nagkakilala na kami pero hindi pa ito ang Tamang Panahon. 🙂 Sabi nga ni Tito Mon, “Do not arouse or awaken love until it so desires.”

I’m just 25 years old. I’m still enjoying my life as a young professional. Ang saya kayang mag-travel! Ang saya din ng may freedom ka to do things you want to do. I’m not saying na hindi mo magagawa iyon kung nasa relationship ka. Pero as single, mas may time and resources ka.

Excited ako sa 2016 para sa mga business ventures na gagawin ko. Excited ako na magkaroon pa ng mga passive income. Excited ako na mag-invest. Sabi nga nila, “Let your money work for you.” Excited akong maging financially free!

Kung nasa relationship ka ngayon at masaya ka, I’m happy for you too. But please, huwag maging pasaway! Make sure na patunayan ninyong may forever. Be an asset to our nation!

PS:  Last Sunday ko pa dapat ito isusulat. Medyo naging busy lang. Busy maging single eh. LOL! Kaya huwag kang magugulat kung dalawa ang entry ko ngayon para sa aking Sunday Series na Blogger’s Confession.

PS Plus: This coming Sunday (December 20), magkakaroon kami ng gift giving activity sa isang barangay dito sa Los Baños. We are going to bless 25 Grade 4 elementary students. This is part of our Project LiBro advocacy. For more information visit theprojectlibro.blogspot.com.

***

Ilagay ang email address kung gusto mong maging updated sa mga blog posts ko. 🙂

Submit

Δ

Dr. Eamer’s FB Page: https://www.facebook.com/iamdoctoreamer

Photo Credits (here)

Occasionally, visitors may see an advertisement here.

Click here for Ads Prices