A Written Love Letter

Mahal Kong Ikaw,

Hindi ko alam kung bakit gusto kong magsulat ng isang liham para sa iyo. Hindi ko din alam kung ano ba ang gusto kong sabihin sa sulat na ito. Hindi ko alam kung mababasa mo nga ba ito. Marahil hindi ko alam, pero sigurado ako na alam kong mahal kita.

Walang outline ang sulat kong ito. Walang koneksiyon ang unang talata sa ikalawa at sa iba pa. Walang specific na tao ang pinag-aalayan ko ng liham na ito. Walang iba kundi ikaw.

Huling araw ng Pebrero ngayon. Huling mga minuto para mai-post ko ang blog na ito upang umabot sa huling araw ng buwan ng mga puso. Huling mga titik na isusulat ko dahil antok na ako.

Gising pa ako dahil ginising mo ang puso ko. Ginising mo ang utak ko na hindi alam ang pinagsusulat sa mga sandaling ito. Ikaw, gising ka pa ba?

Matulog ka na kung gising ka pa. Anong oras na! Maaga ka pa bukas. Good night.

Pero para kanino ka ba bumabangon? Sana para sa akin. Sana para sa ating mga pangarap.

Ako, bumabangon ako para sa aking pangarap. Ikaw naman ang pangarap ko eh.

Tama na nga ang bolahan. I just want to say “Hi”. I hope you are doing great. May you pursue your passion and happiness. May you continue to serve and give glory to our God. Whoever you are, you are there. And I am here. So let’s meet halfway? 🙂

Nagmamahal,
Ako