Nang Umibig ang Aking mga Mata (Sore Eyes)

Gaya ng pag-ibig, kusa daw itong dumadating.

Gumising ako ng maaga at medyo makati ang aking kaliwang mata. Medyo nagmumuta din. Dali-daling tumayo sa aking higaan at nagpunta sa salamin. Mapula nga ang aking mata. Pag-ibig na siguro ito. LOL! Sumabay ang aking mata sa Feb-ibig! Ayun, may sore eyes. Nag-text ako sa boss ko at officemates na sick leave ako.

Ang natatandaan kong huling beses akong nagka-sore eyes ay November 2014. Dahil sa sore eyes na iyon, nagkaroon ako ng oras para sulatin ang aking entry sa isang kompetisyon ng Saranggola Blog Awards sa kategoryang Maikling Kuwentong Pag-ibig. Thank God dahil nagwagi ito ng ikatlong puwesto. First time kong sumali sa ganoong contest. Kaya ang maipapayo ko sa inyo, kapag may mga opportunities kung saan maaari ninyong i-showcase ang talento ninyo, just give it a try. Kung ang talento ninyo ay magmahal, then give it a try. LOL! Ito pala ang link ng award-winning (Naks!) short love story na ginawa ko: Ang Crush Kong Blogger.

Actually, dahil sa mga comments ng nagbasa ng article na iyon, naisipan kong dugtungan ang story at naging libro na nga ito, kasama ang ilang piling blog articles ko. Kung gusto mong bumili ng aking libro na Love is Blog, drop some comments here or email me at iamdoctoreamer@gmail.com. Click here for details. Read some reviews here.

Ngayon, may sore eyes ulit ako, ano kaya ang aking naisulat? #Abangan

Updates: Ngayong gabi, around 92.3% magaling na ang aking mata. Salamat sa opthalmic drops! Ito din ang nireseta na aking doctor last time na nagkaroon ako ng sore eyes, kaya nagpabili ulit ako.

Dahil doctor naman ang titulo ko sa online world, panindigan na natin. Okay, ano ang dapat gawin kapag nagkaroon ka ng sore eyes?

1. Huwag kusutin ang mata gamit ang kamay. Kung medyo makati, kumuha ng tissue o malinis na panyo, medyo patakan mo ng alcohol. Pumikit, at saka ipahid sa medyo kumakating bahagi ng mata. External use only! Huwag na huwag mong gawing eyemo or eye drop ang alcohol. Mabubulag ka. Pramis.

2.  Maghilamos ng malinis na tubig.

3. Gumamit ng shades kung ikaw ay lalabas. Hindi ito pang-porma kundi proteksyon sa mata mo.

4. Noong gumising ako ng umaga, naglagay ako ng cold compress (towel na hinugasan/nilabhan gamit ang malamig na tubig galing sa ref) sa aking mata. Masarap sa pakiramdam. Refreshing.

5. Huwag magpuyat.

6. Maglagay noong nabanggit kong eye drop (Visine). Two drops. Sa loob ng isang araw, mga apat na beses.

7. If lumala o namaga ang mata mo, kumonsulta sa doctor. Punta ka sa ospital. Huwag kalimutang mag-pray for your healing!

For the eyes of the Lord range throughout the earth to strengthen those whose hearts are fully committed to him. (2 Chronicles 16:9)

Ilagay ang email address kung gusto mong maging updated sa mga blog posts ko. Huwag kalimutang pindutin ang SUBMIT button 🙂

Submit

Δ

Dr. Eamer’s FB Page: https://www.facebook.com/iamdoctoreamer

Photo Credits (here)

Occasionally, visitors may see an advertisement here.

PLACE YOUR AD HERE