Do not fall in love with a blogger!

1. Ang mga blogger ay parating busy

Karamihan sa kanila ay may kanya-kanyang trabaho at pinagkakaabalahan. May iba naman na tambay at busy sa pagbabasa ng mga libro o articles sa internet. Madami ring busy sa pagiging single katulad ng mga opisyales ng Philippine Single Association (PSA).

2. Ang mga blogger ay mahirap maintindihan

May mga gusto silang isulat na minsan ay sila lang ang nakakaintindi. Kapag nagsulat sila ng isang blog, hindi mo agad malalaman kung iyon ay may hugot o talagang likha lang ng isipan.

3. Ang mga blogger ay may angking lihim

Hindi mo lubusang makikilala ang kabuuan ng pagkatao ng isang blogger sa pamamagitan lamang ng kanyang mga isinusulat. Words are deceiving sometimes. Hindi lahat ng sinasabi niya sa kanyang mga blogs ay kumpletong detalye ng gusto niyang sabihin. May karapatan siyang itago ang ilan sa mga detalye at sabihin lamang ang mga bagay na gusto niyang sabihin.

4. Ang mga blogger ay hindi pang-forever

Darating ang pagkakataon na titigil silang magsulat. Writer’s block ika nga. Paaasahin ka nila na may kasunod pa pero wala na. Wala na talaga.

5. Ang mga blogger ay hindi stick-to-one

Ang gusto ng mga blogger ay mas marami. The more followers and readers, the better. Gusto nila ay lagi silang may bagong nakikilala. Mas masaya sila kapag may bago silang nagiging kaibigan sa blogosphere.

6. Ang mga blogger ay may sariling mundo

Mahirap pasukin ang mundo nila dahil punong-puno ito ng mga taong nakilala nila sa pagbabasa ng mga libro. Minsan ikukumpara ka niya sa isang prinsesa na nabasa niya sa isang novel. Minsan mangangarap siya na ang relasyon ninyo ay happily-ever-after pero hindi naman talaga. Minsan mas pipiliin niyang kasama ang mga librong binabasa niya kaysa sa iyo.

7. Ang mga blogger ay walang pakundangan

Minsan ay walang pakundangan na magsusulat sila ng mga rants sa isang pangyayari o sa isang pulitiko. Minsan ay ikaw na pala ang pinapatamaan niya pero hindi mo alam. Manhid ka kasi. LOL! Minsan nagsusulat lang sila ng kahit ano basta may maisulat lamang. Parang itong blog na ito. 🙂

Hindi ko naman nilalahat ang mga bloggers, pero majority sa tingin ko ay may ganitong katangian. Aaminin ko, lahat ng pitong ito ay ako. Kaya kung magkakagusto ka sa isang blogger, mag-isip kang mabuti. Basta ang maipapayo ko lang sa iyo, do not fall in love with me este sa isang blogger.

PS: This is only Part 1. The release of the Part 2 will be posted soon. (Read #4 again). Paalam.

Ilagay ang email address kung gusto mong maging updated sa mga blog posts ko. 🙂

Submit

Dr. Eamer’s FB Page: https://www.facebook.com/iamdoctoreamer

Photo Credits (here)

Occasionally, visitors may see an advertisement here.

PLACE YOUR AD HERE

Click here for Ads Prices

Advertisements