True Stories: Pag-ibig na Hindi Sinuklian

Isa na namang co-blogger sa WordPress ang nagpadala sa akin ng mensahe sa email. Ang gusto niyang ibahagi ay patungkol sa One-Sided Love Story. Minsan ang tawag dito ay unrequited love. Minahal mo siya pero hindi ka niya minahal. Saklap! Parang sa pagbabayad lang ng pamasahe sa jeep. Buo ang binigay mo pero nalimutan kang suklian. Ikaw kasi! Dapat barya lang ibinayad mo.LOL!

Hindi ko na pahahabain pa ang introduction, basahin natin ang kuwento ni Claudette…

Akala ko tapos na ako sa ganitong mga kwento nang pag ibig. Ang saklap naman kasi may PS pa pala. Pahabol na Storya. Pero pangako ko sa sarili. Huli na to. Nakakapagod rin.

Una, sa kolehiyo kami nagkakilala. Gwapong gwapo ako kanya at nakalimutan ko yong puppy love ko sa tuwing ngumingiti siya sa akin. Akala ko may gusto siya sa kin kasi sweet siya kaso naman sa lahat pala nang babae sweet siya. Nasaktan talaga ako. Dumating sa punto na naging malapit kaming magkaibigan pero hindi talaga naging kami kasi nalaman ko nalang may girlfriend na pala siya. 5 taon ko siyang itinatangi sa puso ko. Hindi ako pumalya sa pagbigay nang regalo sa tuwing birthday niya at hindi ako pumalya sa pagiging shock absorber at comforter niya sa tuwing brokenhearted siya. Pero hindi pa rin nya ako nakuhang mahalin.

Pangalawa, workmates kami dati. Tsinito at matalino siya kay crush ko siya agad. Hindi ko naman inexpect na magkagusto talaga ako sa kanya at kalaunan, ma fall rin pala. Very introverted siya na tao at hindi mahilig makipagsocialize. Pero sa tuwing nagbibiro ako, tumatawa naman siya. Nakikita kong na amaze rin siya sa akin kahit papano. Pero ang pagka amaze niya ay hanggang doon na rin lang. Wala siyang panahon sa pag-ibig o hindi pa handa pero hindi naman siya bakla. Ay ewan! Minsan lang kami nagkikita. Gaano nga ba kadalas ang minsan sabi pa nila. Kung ang minsan ay isa o dalawang beses sa isang taon. Pero sa mga minsang pagkikita at pagkwekwentuhan mas lalo akong humanga sa kanya. Tatlong taon na pero hanggang sa mga oras na to, malabo pa rin siya. Malabo pa rin na mahalin o kahit man lang magkagusto siya sa akin.

Pangatlo at panghuli nato. Common friend ang nagpakilala sa amin. Hindi ko alam kun bakit nagclick nlang kami. Hindi naman sa FC, nahiyang lang talaga. Napapdalas na ang pagtext at pagtawag. Naging malapit na kami sa isa’t isa. Feeling ko nga nahulog ulit ang puso ko pagkatapos kong inalis sa bokabularyo ko yong pangalawa pero nawala na lang siyang parang bula. Umalis na walang paalam at walang pinag awayan. Ang sakit kaya!

Mahirap ang ganitong sitwasyon. Yong akala mo sa sarili mo na nasa iyo na lahat nang katangian na gugustuhin nang isang lalaki pero wala pa rin. Yong feeling na nagseselos ka kahit wala kang karapatan nang minsang makita mo siya kasama ang nobya niya. Yong feeling na ikaw ang nasaktan nung binasted o sinaktan siya nang taong mahal niya. At masabi sa sarili mo na buti nga siya minahal yong mahal ko pero binalewala lang tapos ikaw na mas mahal mo yong tao, hindi ka naman kayang mahalin. Yong sakit dahil mas masaya siya sa piling nang iba. Na ibang klaseng ngiti ang binibigay niya sa mahal niya at sa yo na kaibigan lang niya. Nung mag aya ka at na reject dahil hindi niya feel lumabas. Pero kasalanan mo pa rin yon kasi tanga ka, umasa pa. Masisisi mo pa ba?

Sa paglipas nang panahon, maraming mga bagay tayong natututunan. Mga aral na tanging panahon at oras lamang ang nakakapagbigay. Kailangan matutunan natin na hindi lahat nang gusto natin ay mapapasa atin. Na hindi sa tanang panahon mamahalin tayo nang mahal natin. At kailangan natin itong tanggapin. Masakit man pero kelangan.

Mas madali ang pag move on kung tanggap natin na hanggang doon lang ang kwento niyo. Na hanggang kaibigan lang kayo.

Ang one sided story ay katulad rin nang pagsulat ng nobela. May umpisa at katapusan. Kaya nga lang, ikaw lang ang may akda, hindi siya makikibahagi.

***

Ano nga ba ang masasabi ko? Wala. Kasi wala talaga ako sa mood magsulat. Pramis! Kung sa pag-ibig, ako ay nanlalamig.LOL! Subaybayan ninyo ulit ang mga susunod na True Stories. Kung nais mong magpadala ng iyong kuwentong pag-ibig o kahit anong kuwento na may kinalaman sa buhay pag-ibig mo, ipadala ito sa iamdoctoreamer@gmail.com.

PS: Panoodin mo ito. Sana hindi maging one-sided love story ito. Mahalin mo sana Siya. 😉

Photo Credit (here)

***

Ilagay ang email address kung gusto mong maging updated sa mga blog posts ko. 🙂

Submit

Δ

Dr. Eamer’s FB Page: https://www.facebook.com/iamdoctoreamer

PLACE YOUR AD HERE
(contact iamdoctoreamer@gmail.com)