Ito na ba ang daan patungo sa ating Destiny?

“Ang daan patungo sa iyong Destiny ay ang tuwid na daan.” – PNOY

“Aanhin natin ang tuwid na daan kung baluktot naman ang ating mga ugali? Doon pa din dapat tayo sa dating daan. Iyon na ang kinasanayan natin.” – Eli Soriano

“Walang mangyayari sa ating mga daan kung grabe naman ang traffic! Ano ba ang nangyari sa EDSA last time?” – Felix Manalo

“Nag-iisa lamang ang daan patungo sa iyong Destiny. Uulitin ko, isang daan lang. Stick to one!” – Manuel Roxas

“Pero bakit ang iba, lima ang Destiny? Polygamous! Hindi pwede ang limang daan!” – Ninoy Aquino

Disclaimer: Ang mga nabasa ninyo ay hindi naman talaga sinabi ng mga taong nakalagay doon. Ito ay kathang salita lamang. 😉

Alam kong marami sa katulad ninyong mga single ang nagtatanong kung ano nga ba ang landas na dapat tahakin para matagpuan ninyo ang taong nakatadhana para sa inyo. Hindi ba ninyo alam na may binebenta na ngayon na ‘destiny map’? Available na ito sa lahat ng 7-11 stores nationwide. Parang treasure hunting ang peg. Ito ang magiging gabay mo patungo sa taong nakatadhana para sa iyo. Balita ko nagkakaubusan na daw ng mapa. Kaya ano pang hinihintay mo? Takbo na sa nearest 7-11!

Ganyan minsan ang mga taong desperado/desperada! Kahit anong pakulo o paraan ay gagawin magkaroon lang boyfriend/girlfriend. Handang ibigay ang kanilang katawan, mapansin lang ng taong gusto nila. May iba naman na nagpapakaalipin para sa isang taong wala namang balak suklian ang pagmamahal nila. Pera at luho lang ang habol. Sad reality.

Sana hindi ka matulad sa mga taong iyon. Sabi ko nga sa finale ng libro ko na LOVE is BLOG, “Better to stay single than to settle for a love that you don’t deserve.” Malapit na palang lumabas ang 2nd printing ko! Abangan! 🙂

Ang tamang panahon ay hindi dapat minamadali. Huwag kang atat! Hindi masarap ang prutas na hinog sa pilit. Dapat hinog sa puno! Pero mas masarap daw ang prutas kung gagawin mo itong juice. Diba Breville Philippines? 🙂

Baka naman ito na ang ruta patungo sa iyong Destiny. Kung nalalayuan ka sa 5k, subukan mo itong 3k!

Malay mo, siya pala ang taong makakasabay mo sa iyong pagtakbo. Who knows diba? Malay mo, both of you are running to the same road of destiny. Walang imposible diba?

Pero malay mo you are born to be single pala talaga! Gaya ni Apostle Paul na laging nangangaral na “But those who marry will face many troubles in this life, and I want to spare you this.”

Hindi na ako magpapaliguy-ligoy pa! Iniimbitahan kita na tumakbo sa October 24, 2015. May promo para sa mga student!

PS: Ito ay sequel ng nauna kong post dati – Tatakbo Akong Kasama Kita.

PSS: Maligayang kaarawan sa aking LGmate na alam kong mayroong great destiny ahead 🙂 Happy happy birthday Marc! Alam kong wala ka pang time para sa iyong tadhana kaya cheers to singlehood! God bless you all the more! May you continually seek first His kingdom and His righteousness (and all those things shall be added unto you! Pati girlfriend.hehe).

 

***

Salamat sa pagsubaybay sa aking mga blogs! Abangan araw-araw ngayong Oktubre ang aking mga blogs bilang paggunita ko sa aking 1^st year blogging anniversary.

Ilagay ang email address kung gusto mong maging updated sa mga blog posts ko. 🙂

Submit

Δ

Dr. Eamer’s FB Page: https://www.facebook.com/iamdoctoreamer

Photo Credits (here)

Occasionally, visitors may see an advertisement here.