An Open Letter to Mr. Right

Dear Mr. Right,

Nasaan ka ba? Pambihira naman! Ang daming mga babaeng naghihintay sa iyo. Naaawa na tuloy ako sa kanila dahil sa sobrang tagal nilang paghihintay.

Naalala ko ang pinsan ko. Siya ay 25 years old noong nanalangin siya na dumating ka na sa buhay niya. Umasa. Naghintay. Alam mo bang 52 years old na siya ngayon pero hindi ka pa din dumadating! Sana hindi mo na lang siya pinaasa.

Kung ako sa iyo, gumawa ka ng Facebook account mo – Mr. Right. Tapos ilagay mong status ay “in a relationship”. Nang sa gayon ay hindi na umaasa ang mga babaeng ikaw lamang ang bukang bibig.

Ano ba kasi ang sikreto mo? Bakit karamihan sa mga babaeng kakilala ko ay gusto ka? Ano ba ang meron ka na wala sa isang ordinaryong lalaki? Bakit ba gustong-gusto ka ng mga kababaihan  kahit hindi ka pa naman nila nakikita? Sumagot ka!

May ilan akong kaibigang babae na miyembro ng Philippine Single Association ang nagpapatanong sa iyo ng mga ito:

1. Where na you? Dito na me.

2. Bakit hindi ka dumating sa itinakdang panahon?

3. Mamahalin mo ba ako kahit kwarenta na ako?

4. Pwede bang humingi ng clue? Anong letter nagsisimula first name mo?

5. Kailan tayo magkakakilala?

6. Are you worth waiting for?

7. Hanggang kailan ako maghihintay?

May plano din pala akong magsagawa ng Nationwide Conference for Single Men sa darating na November 1, 2015. Ikaw sana Mr. Right ang main speaker na kukunin ko. Available ka ba sa date na iyon? Baka naman busy ka dahil may pupuntahan kang mga puntod. Puntod ng mga babaeng namatay kakahintay sa iyo. Let me know if kaya mong isangat sa maluwag mong schedule. Reply ka ASAP! Maraming salamat!

Kumakanan (Never Mangangaliwa),

Doctor Eamer

***

Ito ang pangalawang liham sa aking #SundaySeries na #OpenLetter ngayong buwan. Kung hindi mo pa nababasa ang Bukas na Liham Para sa Saradong Puso, pindutin ang link.

Habang naghihintay ka kay Mr. Right, subaybayan mo na lang ang aking series tuwing Linggo. 🙂

Grabe siguro ang faith ng mga babaeng naghihintay sa kanilang Mr. Right. Ano nga ba ang faith? Sabi sa Hebrews 11:1, “Now faith is confidence in what we hope for and assurance about what we do not see.” Kaya naman pala confident sila na darating si Mr. Right. Assured sila kahit hindi pa nila nakikita. Amazing talaga ang nagagawa ng faith. Pero sana mas paigtingin natin ang ating faith kay God. Dumating man o hindi ay iyong Mr. Right, nawa ay patuloy kang manalig kay God at gawin mo ang mga bagay na ipinagagawa Niya sa iyo. Live a life with a purpose.

“Naipit lang ako sa traffic sa EDSA. Malapit na ako.” – Mr. Right

“Opposite attracts.” – Ms. Left

“Dahil nambabae ka, susuntukin kita ng kanang kamay ko. Tapos sisipain kita ng kaliwa kong paa.” – Centipede Woman

Ano ang masasabi mo sa larawan na ito? 😉

Photo Credit (1, 2)

Occasionally, visitors may see an advertisement here.