Single Pero Hindi Nag-iisa

May mga noun (pangngalan) na akala mo plural pero singular pala! Hindi lahat ng may “s” ay plural, katulad ng mga sumusunod:

news
Mathematics
politics
series
measles

Speaking of “s”, dahil ang #SundaySeries ko ay patungkol sa #SingleEmpowerment, ang post na ito ay para sa mga kagaya kong single (Join the club!). Kung hindi mo pa nababasa ang unang blog ko sa series na ito, puntahan mo ang “Alamat ng Single.”

May nabasa akong libro ni  M. Munroe at sinabi niya na “The greatest tragedy in life is living a life without purpose.”. Tama nga naman kasi. Analogy: Larong soccer. Imagine kung walang goal posts ang bawat team. Kahit isang araw pa silang maglaro, walang patutunguhan iyon. Mapapagod lang sila. Kaya ikaw, alamin mo ang purpose mo sa buhay. Saka kana mag-propose! Purpose muna!

Siguro ang 2nd greatest tragedy na maaaring mangyari sa isang tao ay being single and alone (lonely). Walang pamilya. Walang kaibigan. Wala. As in solo sa buhay. Nagtatrabaho lang para makaraos lang sa buhay.

Madami akong mga kakilala at kaibigan na at the age of 30 ay single pa din pero masaya sila sa buhay nila. Sa tingin ko, malinaw sa kanilang sarili ang purpose nila sa buhay.

May isa na passionate sa mga volunteer works. He finds purpose in doing that. Local and international volunteer activities. Madalas siya sa post-disaster activities. Nais niyang makatulong sa ibang tao.

May isa na kumukuha ng PhD Degree sa Europe. Gusto niya kasing magpakadalubhasa sa kanyang larangan para mas madami siyang maibahagi kapag bumalik na siya ng pagtuturo sa kolehiyo. Naniniwala siya na iyon ang gusto niyang kontribusyon sa ating bansa.

May isa na ang kaligayahan niya ay kapag nakikita niya ang kanyang pamangkin na nagpupursige sa pag-aaral sa elementarya. Siya na kasi ang nagpapaaral sa bata dahil iyon ay anak sa pagkadalaga ng kanyang nakababatang kapatid.

May isa na pinili ang bumalik sa probinsiya at samahan ang kanyang tatay at nanay. Lahat kasi ng mga kapatid niya ay may sari-sariling pamilya na. Dahil may katandaan na din ang magulang nila at madalas magkasakit.

May isa na nagtayo ng bahay ampunan. Iyon kasi ang pangarap niya. Dahil siya mismo ay naranasan ang lumaki ng walang magulang.

May isa na nagpunta sa Mindanao para magbahagi ng salita ng Diyos. Misyunaro siya doon ng ilang taon na din. Tinuturuan din niya ang isang tribo doon kung paano magbasa at sumulat.

May isa na masayang naglalakbay sa iba’t ibang lupalop ng bansa. Ito ay parte ng kanyang trabaho. Masaya siya na kasama ang mga officemate at tinutulungan nila ang mga local government units sa pamamagitan ng proyekto nila.

Marami pa akong kakilala na mga single pero hindi nag-iisa. Alam nila ang kahalagahan ng buhay na mayroon sila. At hindi nila iyon sasayangin sa walang kuwentang mga bagay. Hindi sila magpapaka-t*nga para lang sa pag-ibig. Hindi nila gagayahin ang ilan (marami) na ibinigay ang kanilang buong pagkatao mahalin lamang sila ng isang tao. Lalong hindi nila hahayaang mawala ang integridad nila para lamang sa that thing called ‘pag-ibig’ na iyan. Sapul ka! 🙂

Iba’t ibang single, iba’t ibang kuwento. Ikaw, ano ang ‘kuwentong single‘ mo? 😉

Ang maging single, maaaring choice or hindi mo talaga choice iyan. Pero ang maging mapag-isa sa buhay at maging malungkot, choice mo iyan.

Choose to be happy. Panoorin mo ito!

Live life with a purpose. Basahin mo ang mga ito!

“Many are the plans in a person’s heart, but it is the Lord’s purpose that prevails.” – Proverbs 19:21

“And we know that in all things God works for the good of those who love him, who have been called according to his purpose.” – Romans 8:28

Photo Credit (here)