The Quarter (Love) Life Crisis

May mga taong minsan ay walang pakundangan kung magtanong. Pero may point din naman sila. Pero puwede naman na walang pakialaman na lang diba?

Twenty five ka na single ka pa din?

So may plano kaba talagang mag-asawa?

Lahat ng pinsan mo may anak na, ikaw kahit GF wala pa?

Kailan magkakaapo ang parents mo?

Wala ka bang nagugustuhan sa mga kakilala mo?

Lahat ng barkada mo ikinasal na, ikaw?

Ikaw pa ba ang liligawan ng babae?

Dahil sabi ko nga na walang pakialaman, hindi ko sasagutin iyan. 🙂 Order ka na lang ng book ko, LOVE IS BLOG (Foreword by ‘The Future Wife’). Sold out na ang 143 copies at madami pa ang gustong magkaroon ng kopya kaya naman may plano akong magkaroon ng 2^nd batch of reprinting sa June.

Kung ikaw ay “twenty something” siguro naranasan (mararanasan) mo ang quarter-life crisis. Minsan nga kahit ang mga nasa early thirties ay nakakaranas pa din nito.

1. Minsan hindi mo alam kung ano ang susunod mong plano sa buhay. Hindi mo alam kung dapat bang mag-iba ka ng trabaho o hindi kaya’y makipagsapalaran sa ibang lugar.

2. Minsan iniisip mo kung ang trabaho mo ngayon ay ang “dream job” mo talaga.

3. Minsan araw-araw mong tinatanong ang sarili mo lalo na kapag naliligo, “Ano na? Anong dapat kong gawin?” Pero dahil maaari kang mahuli sa pagpasok sa trabaho, puro katanungan lang ang iyong naiisip. Wala kang panahon na mag-isip ng kasagutan.

4. Minsan gusto mo na lang balikan ang pagkabata o ang mga panahong dependent ka pa sa iyong mga magulang.

5. Minsan nakakaranas ka ng panic kapag isa-isa nang kinakasal ang iyong mga kaibigan.

6. Minsan hindi mo alam kung masaya ka ba talaga sa ginagawa mo.

7. Minsan gusto mo na lang bumiyahe ng malayo o pumunta sa ibang bansa para mag-muni-muni. Soul searching ika nga.

8. Minsan tulala ka na lang. Malayo ang tingin. Malalim ang iniisip. Hindi makatulog.

9. Minsan feeling mo na hindi pa ito ang buhay na gusto mo. Madami kang gustong gawin pero hindi mo alam kung saan magsisimula.

10. Minsan gusto mong malaman ang mga sintomas ng quarter-life crisis kaya tinanong mo si Prof. Google o si Doctor Eamer.

11. Minsan tumitingin ka sa timeline ng mga kaklase mo noong kolehiyo. Gusto mong malaman kung ano na ang balita sa kanila. Gusto mong malaman kung masaya ba sila sa trabaho nila. Pero sa totoo lang, nakakaramdam ka ng insecurity dahil ang iba sa kanila ay successful na sa kanilang career.

12. Minsan gusto mo na lang magkaroon ng sariling business para hawak mo ang oras mo.

Lahat naman ata ng tao dumaan sa ganyang sitwasyon. Normal lang iyan. Subukan mong makipagkuwentuhan sa mga kaibigan mo. Magbahagi kayo sa isa’t isa ng mga plano ninyo sa buhay. Assess your progress in your careers. Kaysa mag-inuman kayo at pumunta sa bar, mas maganda ng magdaos kayo ng Quarter Life Party! Mukhang gusto kong gawin ang party na iyon! Magluluto kami ng spaghetti tapos may iced tea. Party party na! Siyempre ang goal ay makapagbahagi ang bawat isa ng kani-kanilang saloobin sa kanilang buhay (trabaho, lovelife, spiritual, personal, etc.).

Kami ng mga kaibigan ko dito sa Los Baños may tinatawag na life group. Binubuo kami ng mga young professionals. Tuwing Huwebes ay nagkakaroon kami ng life group meeting. We talked about life. We support one another’s dreams. We encourage each other. We shared our learnings.We prayed together. Masaya sa life group! Join ka sa amin! Contact me at iamdoctoreamer@gmail.com 🙂

Pero alam mo kung bakit minsan ay nararanasan natin ang crisis na ito? Kasi hindi natin naiintindihan na there is time for everything. Minsan happy-go-lucky tayo. Minsan gastos dito, gastos doon. Minsan gala dito, gala doon. Minsan inom dito, inom doon. Minsan wala tayong pakialam sa bukas dahil ang iniisip lang natin ay ang ngayon. Minsan isip bata tayo. Minsan basta basta na lang ang pagdedesisyon natin. Pero ang mga minsan na iyon ay malaki ang epekto sa ating forever. Ano daw?hehe

Anyway, basahin mo itong isa sa mga paborito kong paalala ni Tito Mon.

For everything there is a season.
A time for every activity under heaven.
A time to be born and a time to die.
A time to plant and a time to harvest.
A time to kill and a time to heal.
A time to tear down and a time to build up.
A time to cry and a time to laugh.
A time to grieve and a time to dance.
A time to scatter stones and a time to gather stones.
A time to embrace and a time to turn away.
A time to search and a time to quit searching.
A time to keep and a time to throw away.
A time to tear and a time to mend.
A time to be quiet and a time to speak.
A time to love and a time to hate.
A time for war and a time for peace.

Tapos ka na ba sa Quarter-Life Crisis? Paghandaan mo naman ang Mid-Life Crisis. 😉

Photo Credit (here)