Dahil ang Pag-ibig ay Mayweather Weather Lang?

Magmamahal ka ba sa sobrang tag-init? Ikaw din, baka hindi lang heart attack ang mapapala mo kundi heat stroke.

Magmamahal ka ba sa sobrang tag-lamig? Ikaw din, baka hindi lang panahon ang magiging malamig kundi pati pasko mo.

So, kailan dapat magmahal? I think in the right weather. In short, sa tamang panahon. 🙂

Hindi ko alam kung bakit iyan ang naisip kong panimula. Pero gusto ko lang ilagay dito ang ilang mga “hugot” na aking ginawa pagkatapos ng laban nina Pacquiao at Mayweather. Pero hindi ito hugot mula sa aking puso. Puwede naman na hugot lang talaga sa malikhaing isipan diba?

Wala kaming cable kaya hindi live telecast ang aking napanood. Natunghayan ko ang buong laban nila hanggang round 12. Nakita ko kung paano nanakbo si Mayweather. Nakita ko kung paano niya niyayakap si Manny. Nakita ko ang determinasyon ni Manny. Pero bakit ganoon? Talo pa din siya. Pero sabi nga nila at sabi ko rin, si Manny pa din ang panalo.

1. Minsan kapag mag-aaway kayo ng girlfriend mo, gusto mo na lang siyang yakapin para matapos na ang away ninyo.

Side comment: Depende iyan sa GF mo. Dapat kilala mo siya. Alam mo dapat kung paano siya susuyuin. May mga babaeng hinihintay lang talaga nila na marinig sa iyo ang “Sorry.” Mayroon naman na nadadaan sa bulaklak o pagkain. Maaari ding bigyan mo lang siya ng space at panahon.

2. The Powerhugs Story

GF: Babe, matutulog na ako. Good night! t! Ingat ka sa biyahe pauwi!

BF: Ok Babe!  Goodnight too! Mayweather! ❤

GF: Ha? Anong Mayweather?

BF: Powerhugs ibig sabihin nun! 🙂

GF: Ahh…  Mayweather too! ❤

Side comment: Tapos icon ni Mayweather ang ipapadala mo sa kanya. How sweet!lol!

3. Hindi lahat ng tumatakbo ay kasali sa running or marathon. Minsan sa boxing.

Side comment: Minsan nga sa election pa diba? 🙂

4. Hindi lahat ng yumayakap ay kaibigan. Minsan kalaban.

Side comment: Ikaw, hanggang unan na lang ba ang kayakap mo? Ok lang iyan! May kasabihan nga na “Habang maiksi ang kumot, matutong mamaluktot!” So kung single ka, yakapin mo na lang muna ang unan mo. Forget about the kumot.lol!

5. Hindi lahat ng ibinibigay mo ay kaya niyang tumbasan. (Mga suntok ni Manny)

Side comment: Ang tunay pagmamahal ay walang hinihintay na kapalit. Lalim!

6. Minsan lumalayo na lang tayo para hindi masaktan. (Mga takbo ni Floyd)

Side comment: Sa tingin ko, ang paglayo ay hindi pangmatagalang solusyon. Siguro “band-aid” lang. Pero dapat ayusin mo talaga ang sarili mo. Move on!

7. Sabi niya mahal ka niya. Sabi niya papanagutan niya ang kanyang ginawa. Sabi niya lang pala iyon. Pero tinakbuhan ka niya.

Side comment: Bakit kasi ginawa ninyo ang isang bagay na hindi dapat? There is always a way out to temptations. But anyway, that man should be responsible! Be responsible guys!

8. Minsan kailangan mong tanggapin na natalo ka. Hindi dahil may ibang nanalo kundi dahil alam mong hindi natatapos ang lahat sa isang pagkatalo.

Side comment: You are a winner! Remember the story of the sperm cell? Milyon kayong naglaban at tumakbo, pero ikaw ang nanalo! You were born a winner!

9. Ang totoong panalo ay nakikita minsan kung paano mo tanggapin ang isang pagkatalo.

Side comment: Ano daw? 🙂

10. Ok lang sumakit ang balikat. Huwag lang ang puso.

Side comment: Partida pa iyon kay Mayweather ha! Kahit na injured pala si Manny maganda pa din ang ipinakita niyang galaw sa laban.

11. Minsan akala mo siya na si The One. Akala mo ang pala iyon.

Side comment: Don’t chase “The One”. Be “The One” to others.

12. If a picture is worth a thousand words, does a hug also worth a thousand punches?

Side comment: 112-143, 116-143, 112-143. I love you…nanimously ❤

Basta ako, saludo pa din ako kay Manny. Feeling ko tatakbo na siya. Tatakbo na siya sa ring. (Magreretiro na siguro sa boxing). Tatakbo na siya sa mataas na posisyon sa gobyerno. (Senator maybe?hahaha!) I do not have a side comment on that political issue as of the moment. Side hug na lang puwede? 🙂

Bukas na pala ang aking kaarawan!!! Happy 25th birthday kay Doctor Eamer!

Photo Credit (here)