Would you like to go on a date with me? Let’s have some milk tea.

Malamang ay nakarating na din sa iyo ang balita tungkol sa nakamamatay na milk tea. Ano ang masasabi mo sa pangyayaring iyon?

Sigurado ako na bumaba ang sales ng maraming tea shop na nagbebenta ng milk tea. Siguro ang iba ay nagbaba ng presyo at ginawang seven fifty (PhP 7.50) at sinabayan ang kanta ng Ariel, “Finally, milk tea, seven fifty!”

Sa totoo lang, gustong gusto ko ang milk tea. Ito ang palagi kong binibili sa isang tea or coffee shop. Pero kung tatanungin mo ako kung titigil na ba ako sa pagbili nito, HINDI ang isasagot ko. May mga nagsasabi na isolated case daw ang nangyari. Mayroon din namang haka-haka na nilagyan talaga ng lason iyon.

Minsan ganyan ang tingin ng ibang tao sa atin. Kahit napakarami mo nang ginawang mabuti at magagandang bagay, magkamali ka lang ng isa, iba na ang tingin nila sa iyo. Minsan kahit hindi naman talaga totoo, at may biglang kumalat na tsismis, sira pa din ang imahe mo. May connection ba sa milk tea? 🙂

Hindi ko alam kung sasama ang kaibigan mo sa iyo kung magyayaya kang mag-date kayo tapos sasabihin mo na magmi-milk tea kayo. Maaaring sabihin niya na sa ibang lugar na lang kayo pumunta o tanggihan niya ang alok mong date. Pero kung iyon ang unang pagkakataon mong magyaya para sa isang date, binabati kita! You made it! You conquered your fears bro! It’s okey to be rejected than not trying at all. Lalim! Pero hindi iyan #hugot. Naalala ko lang kasi ang ginawa kong short love story. Ang part 3 kasi ay ‘I am Dating a Blogger’. Usapan at kuwentong first date iyon. (Read the Part 1: ‘Ang Crush Kong Blogger‘ and Part 2: ‘Akala Ko Siya Na‘)

Okey lang naman makipag-date basta ang perang gagamitin mo ay sa sarili mong sikap. Baka naman baon mo pa iyan! Huwag ka munang makipag-date kapag ganyang estudyante ka pa! Ipunin mo ang pera mo dahil magagamit mo iyan sa mga field trips at projects mo. Puwede ka ding sumali sa isang science investigatory research competition. Gumawa ka ng isang recipe ng tea. Subukan mo ang malunggay tea. Dahil uso naman ang malunggay bread ngayon, baka pumatok din ang malunggay tea. Walang malamig na malunggay bread sa mainit na malunggay tea.lol!

Kapag nauso iyon, dapat umisip na tayo ng pangalan noon dahil masyadong mahaba bigkasin ang “malunggay tea“. Puwede ang MALU TEA. (Kamusta ka? Ito okey naman, malu-tea naman.haha) Puwede din ang GAY TEA. (Mga tol tara libre ko kayo! May alam akong inuming pampamacho daw. Subukan natin ang Gay Tea!)

Speaking of tea shop, mukhang mapapadalas ako na pumunta sa ganoong lugar sa mga susunod na araw dahil lay-outing na ako ng aking libro na LOVE is BLOG. Self-published lang ito. Special limited edition din. Birthday gift ko sa sarili ko para sa paparating kong kaarawan. 🙂

Ikaw? Excited ka na ba para sa una mong date? Have the courage to ask her! ❤

“Okey lang na malason sa isang milk tea date basta makasama lang kita. Milk tea pa more!” –Doctor Eamer