Are you ‘single by choice’ or ‘single by chance’?

Nakapunta ka na ba sa isang seminar o kahit anong event? Di ba minsan ang tagal magsimula? Kaya nga sabi ko doon sa blog ko (The Power of Waiting: Hihintayin ko SIYA) noong kamakailan na dapat maging productive habang naghihintay. Itong blog ko ngayon ay produkto ng aking paghihintay sa isang event. Actually event lang sa TV. The Voice! 🙂

Nagsimula ito noong naisip ko ang dalawang conversations:

Scene 1: 

Boy: Hi, I’m Bernard. I am single… <7 seconds pause>… Very very single.

Girl (single by choice): Hello! I am Busy. <No pause>… Very very busy. Bye!

End of conversation

Scene 2: 

Girl (single by chance): Mahal!

Boy: Tawag mo ako? Yes, what can I do for you?

Girl (single by chance): Kapal mo! Sabi ko, mahal. Mahal magpaaral ng mga kapatid. Mahal ang tuition nila! Bye!

End of conversation

Hayaan ninyong ibahagi ko ang aking pakahulugan sa tinatawag kong single by choice at single by chance.

Unahin natin ang single by choice:

1. Sila ang mga taong ginusto lang talaga maging single (muna).
2. Posibleng kagagaling lang nila sa isang relasyon na pinagsisihan nila at sobra silang nasaktan kaya ayaw na nilang maulit ito.
3. Minsan ito ang paborito nilang linya “Pare-parehas kayong mga lalake! Manloloko.” Kung lalaki naman, “Ganyan kayong mga babae. Ginawa ko naman ang lahat pero bakit kulang pa din?“
4. Maaring man-hater or woman-hater sila.
5. Madalas nagpapayaman muna sila. Financial freedom.
6. May kilala ako, gusto muna magpakadalubhasa bago iwanan ang single life. MS, PhD, Post Doctoral. Sila na!
7. Gusto nilang patunayan na “It’s more fun in the Philippines” kaya biyahe lang ng biyahe. Gusto nilang puntahan lahat ng tourist destinations bago sila pumasok sa isang relasyon. YOLO!
8. Mas nakikita nila ang kanilang kasiyahan sa pagtulong sa ibang tao. Madami silang volunteer works at charity works na ginagawa.
9. May panata sila na hindi talaga sila mag-aasawa kahit limang Yolanda pa ang dumating. Singleness Level 7.
10. Masyadong malalim at may kabanalan ang kanilang pagtawag sa buhay. Misyonaryo. Buhay na dedicated kay God. I really honor these people.

Puntahan naman natin ang single by chance:

1. Sila ang mga taong hindi naman ginusto maging single. Pero dahil sa ilang mga sitwasyon, single (pa din) sila.
2. Pito silang magkakapatid. Panganay siya. Walang permanenteng trabaho ang magulang nila. May work na siya ngayon. Siya ang tumatayong bread winner sa pamilya. Magpapaaral pa siya ng mga kapatid. Wala siyang oras at kagustuhan na magkaroon ng lovelife (sa ngayon).
3. Masyado siyang maganda. Sa sobrang ganda, walang lalaki ang gustong manligaw sa kanya dahil iniisip ng mga boys na baka madami silang kakompitensya. Man up bro! Take the risk!
4. Sobrang protective ng parents niya. Kahit 24 years old na siya, hindi pa siya puwedeng magka-boyfriend. Dapat daw kapag 26 pa. Really?
5. Solo lang siyang anak. Patay na ang tatay niya. Ang nanay naman niya ay bed-ridden dahil sa sakit na cancer. Wala pa siyang girlfriend kasi focus siya sa pag-aalaga sa nanay niya. Love is a sacrifice I guess.
6. May kapansanan siya. Bata pa lamang siya ay hindi na siya nakakakita. Ngayon nasa wastong edad na siya, umaasa siya na hindi man siya makakita ng totoong liwanag at itsura ng mga bagay-bagay, makakita sana siya ng totoong pag-ibig. I know you will! Just believe!
7. Walang gustong manligaw sa kanya dahil sa kanyang masungit at di magandang pag-uugali. Mataray. Matapobre. Mapanghusga. Mapang-abuso. Sinungaling. Makasalanan. Hindi pa huli ang lahat para magbago ka.
8. Ilang babae na din ang kanyang niligawan. Ilang beses na din siyang umasa. Madaming beses na siyang nabigo. Marahil hindi pa lang talaga iyon ang will ni Lord para sa kanya. Fall seven times, stand up eight.
9. Minsan na siyang nagkasala. Humingi na siya ng tawad sa Diyos. Pinapalaki niya ngayon ang kanyang anak. Iniwan siya ng nakabuntis sa kanya. Darating din ang tamang panahon na muli siyang iibig sa tamang pamamaraan, tamang pagkakataon, at tamang person. Rhyme!
10. Wala pang lalaking nakaka-meet ng gusto niyang standards sa isang boyfriend. Pero hindi din naman kasi siya actively searching. Tingin niya, hindi pa niya panahon. Standards are not meant to limit you, but to guide you. Cheers!

Ikaw? Single by choice ka ba o single by chance? Puwede naman both kasi naroon pa din naman ang keyword. Single.lol! 🙂

Para sa akin, hindi naman importante kung single ka o hindi. Ang importante ay namumuhay ka na kalugod-lugod sa Diyos. Hindi ka nga single pero may live-in partner ka naman! Kung mahal ka ng kinakasama mo, papakasalan ka niya. Maaaring sabihin niya na wala pa siyang pera para pakasalan ka. Pero kung mahal ka niya, hahanap naman siya ng paraan. Maghahanap siya ng trabaho. Mag-iipon siya. Puwede naman na humanap ng sponsors. May mga mass wedding din naman na programa ang mga local government. Kung wala siyang balak na gumawa ng paraan, baka hindi ka niya talaga mahal at katawan mo lang ang habol niya. I am against pre-marital sex. I am against the concept of ‘live-in partner’. Congratulations pala sa wedding Yeng at Yan! 🙂

“Hindi ako single by choice. Hindi din ako single by chance. Dahil ako ay single by now.” – Doctor Eamer

Malabo ba ng sagot ko? Ok lang yan, basahin mo na lang din ang kuwento ni Boy Labo. Puntahan ang Boy Labo to Boy Linaw to Boy Ligaw to Boy Friend. Congratulations pala sa aking co-blogger at kay Boy Labo (noon)! Engaged na sila! Love is in the air! Makilasap na ng hangin ng pag-ibig!

Photo Credits (here)