Story of Evolution: Boy Labo to Boy Linaw to Boy Ligaw to Boy Friend

Hindi ako naniniwala sa Theory of Evolution. Naniniwala ako sa Theory of Creation. Aba ikaw ba, papayag ka na kamag-anak mo ang mga unggoy? Ako hindi. 🙂 Naniniwala ako na “I am fearfully and wonderfully made” (Psalm 139:14).

Pero ang gusto kong ibahagi ngayon ay patungkol sa kakaibang ebolusyon. 🙂

Unahin natin si Boy Labo.

Sila ang mga lalaking @#$%^&*(f3Y5k8<?k%GDjdmjf797&*$! Naintindihan mo ba? Malabo diba? 🙂 Ganyan daw talaga sila. Mahirap maintindihan dahil sila mismo hindi maintindihan ang sarili nilang damdamin. Ano daw! Sila ang mga patext-text. Pacute-cute. Paunting charm. Minsan may padalaw effect. May pasundo-sundo din. Pahatid-hatid pa. Puro paramdam. Pero wala. Wala lang daw iyon. Ganoon daw talaga sila. Malabo. Madalas tuloy nakakasakit sila ng damdamin ng mga babaeng umasa at nag-assume sa kanilang kalabuan.

Ang hindi malinaw sa akin ay kung bakit dumadami ang mga Boy Labo sa mundo? Hindi naman sila nanganganak. 🙂

Paano nag-evolve si Boy Labo papuntang Boy Linaw?

Nagkaroon siya ng tinatawag kong reflection time. 🙂 Nagmuni-muni siya sa isang tahimik na lugar. Maaring umakyat muna siya ng bundok o nagpunta sa isang payapang lugar. Sa mga panahong siya ay mag-isa, nilinaw niya sa kanyang sarili ang bawat bagay na dapat bigyan ng linaw. Tinanong niya ang sarili:

• May nararamdaman na ba ako sa kanya?
• Is this feeling more than a crush?
• Or is it merely an admiration?
• Kaya ko bang maging responsable kung magtatapat na ako sa kanya?
• Paano kung hindi pa siya handa na ligawan at gusto niya lang na maging kaibigan lang ako?
• Magiging kalugod-lugod ba sa paningin ng Diyos at sa mga taong nakapaligid sa amin ang gagawin kong ito?

Hindi malalaman ni Boy Labo ang mga kasagutan sa kanyang mga katanungan kung hindi siya magkakaroon ng lakas ng loob na magtapat at tanggapin kung ano man ang kahihinatnan nito. Madalas, hihingi muna siya ng payo sa mga malalapit na kaibigan o sa mga taong pinagkakatiwalaan niya o sa kanyang mga life coaches.

Saglit lang ang panahon ni Boy Linaw dahil madalas pagkatapos linawin ang lahat siya ay magiging Boy Ligaw na. Ideal case iyan. Worst case ay kapag si Boy Linaw ay magiging Boy Babay. Rejected. Bye. Ouch! 🙂

Hindi ko alam kung gaano katagal siya na magiging Boy Ligaw. Pero isa ito sa parte ng buhay niya na pinakamasaya. Para siyang isang prinisipe na may gustong protektahang prinsesa. Ang mahalaga sa kanya ay maiparamdam sa prinsesa kung gaano siya kahalaga at ka-espesyal.

Paano mo malalaman na nag-evolve na si Boy Ligaw papuntang Boy Friend? Simple lang. Nagpapalit siya ng kanyang facebook status. 🙂 Kapag tiningnan mo siya, masasabi mo na blooming siya. Mataba ang kanyang puso. Busog sa pagmamahal. Hiritan mo ng cheese burger at sigurado ililibre ka niya. Sa bahagi ng kanyang buhay na ito, hindi na siya dapat umasta na isang boy. He must act like a man.

Ikaw? Saan ka na sa ebolusyong ito? Akyat na sa bundok! 🙂 Puwede din namang bisitahin mo ang magagandang bayan at tanawin sa Laguna at doon magkaroon ng reflection time. Puntahan ang website ni Boy Laguna: www.biyahenglaguna.com 🙂

Para sa isang co-blogger na nagbahagi ng kuwento niya kay Boy Labo, congratulations dahil si Boy Labo ay si Boy Friend niya na ngayon 🙂 God bless sa relationship niyo. More power! 🙂

Para sa mas malinaw na usapan, sumangguni kay Doctor Eamer. 🙂

Photo Credits (here)